دقيقه من فضلك قبــل لاتروحـين .. عـنــــدي كـــلام ولازم تـسـمـعــيــنـــه
يمكن كلامي ينفـعـك عـقب تقفـيـن .. ويمكـن كلامـي صعـب مـا تفهميـنـه
يمكنـي اكبـر مـن خيـالـك وتـدريــن .. انــي كـبـيـر وعـالـمـي تـجـهـلـيــــــنه
انـا الـذي جيتك عـلـى مــا تـمنـيـن .. عشـق وقـصـيـد وكـــل شــي تبيـنـه
لكـن عقلك تـاه واخــطى العنـاويـن .. تهتي ونا اللي كنت احسبك فطينه
كتبـت فيــك الشــعر يمكن تحسـيـن .. بـس الشعـر يا بنت ويـنـك وويـنـه
واليـوم ماني لاعـــن حـظـي الشـيـن .. ولانــي بــقـايـل قـلـبـي الله يـعــيـــنـه
باقـول جعلـك فـي صدودك تمادين .. لانـك رَخصتـي عقب منـتـي ثـميـنـه
ولأنـي عطيتك فوق ما تستـحـقـيـن .. لا بـد اصـون القـلـب عـن عاذليـنـه
ولان عــنــدي لـلـمـحــبــه قــوانـــيـــن .. لا يـنـاسـبـك قـلـبـي ولا تـنـاسبـيـنـه
روحـي وانــا بــروح لا بــد تـلـقـيــن .. شـخـص مـثل طـبـعـك ولا تتـركيـنـه
وإذا ابتعدنا عـن بـعــض لا تظنـيـن .. انـي عـلـى فرقـاك نــفـــسـي حـزيــنــه
بالعكـس انا ودي فرقـاك مـن الحين .. لأن الـجـفـا جــــزاك وتـسـتـاهـلـيــنـــه
شفـتـي وفــا قـلـبـي ولازم تـشـــوفـين .. وشـلـون قــــلـبــي يـحـتـقـر خـاذلـيـنـه
مـن باعــــنـي لا بـــد أوريـلـه الشـيـن .. واقـطــع حبـالـه لـــو حـبـالـه مـتـيــنـه
خلاص فـي نفســـي ولا عاد تسوين .. ولا عاد لك فـي القلـب غير الضغينه
حتى لو اني قلت لك شيخــــه الزين .. تـاكـدي إنك فـي عيني اليــوم شينه
وباختصـرهـا جمـلــه بـيـن قـــوسـيـن .. (عشـقٍ علـى غيـر كـرامـه غبيـنـه)
عيـب علـى الـرجـال طــرد المقفـيــن .. وعيـب علـى الـرجــال بـنـــتٍ تهيـنــه
واخــر كـلامـي لازم انــــك تعرفـــيـن .. إنـي كرهتك والعشـق يلعـن سنيـنـه
موضوع: دقيقة من فضلك 
الأحد يناير 24, 2010 10:16 am
