الجمال مش من شرط الرجوله

الزين ماهو من شروط الرجوله


قالت ترى منت بحلو قلت رجـال
والزين ماهو من شروط الرجولـة
الزين يلقـى عنـد لباسـة الشـال
والرجل زين ان كان زانت فعولـه
قالت علامك تلبس شماغ وعقـال
أنت بدوي ؟ قلت بدوي ومن حموله
ما البس بناطيل لها الوان وأشكـال
وأمتر الشارع بعرضـه وطولـه
قالت أجل راعـي معاميـل ودلال
شرب القهاوي تحسبونـه بطولـه
كيفي يا بنت الحضر دله وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت ترى بنت البدو حظهـا مـال
قلت أحذري حذرا تكوني جهولـه
بنت البدو يابنت مضرب للأمثـال
فوق الجمال وطاعـة الله خجولـه
ماحطة اصباغ و لا حطة ظـلال
و لاسيرة بالسوق سيـر مهبولـه
هي مهرةً تصعب على كل خيـال
و انتي ومثلك عسفهـن بالسهولـه
قالت تغزل بي وشف حبة الخـال
ناظر عيوني والرمـوش الكسولـة
قلت العفو ما يجتمع حـب وهبـال
ولكـل ذوق فالمزاييـن جـولـه
قلتي وقلت وكلمـة الحـق تنقـال