اضحك حبيى دام وقتك يسليك باكر تموت من القهر لانسيتك

راسك علامك رافعه يوم احاكيك؟..الظاهر اني فوق حجمك عطيتك

لحظه نبي نرجع دقيقه لماظيك..بذكرك بأي حاله لــــــــــــــــقيتك

كان الظياع ودمعتينك تخاويــــك..منهار وفي عز انهيارك خذيــــــتك

وارخصت عمري لجل احبك واداريك.هدمت قصر الذل فيك وبنيـــتك

كان الغلا شمعه تنور لياليك..ولا اظلمت دنياك جيت وظويــــــــــتك

ياللاسف كنت امدحك وافتخر فيك.رفعت من شانك وعليت صيــتك

كنت انت عندي غير مقدر اخليك.اموت واحيا ان قلت سم وفديـتك

واليوم اشوفك خنت حتى مباديك..صغرت بعيني ونا اللي هويـــتك

الظيف لو انه عدو معاديك..غصب عليك تقدره وسط بيـــــــــــــــتك

ياصاحبي بتموت مانبي براجيك..واشره علي انكان حتى طريــــتك

لاصار ذل النفس في قلب يغليك..يلعنك ياقلب عشقك وشريـــــتك

اظحك حبيبي دام وقتك مسليك..باكر تمووت من القهر لانسيــــتك