كلامك عسل صافى وصمتك دمعى الدفاق

تلاقينا علـى الموعـد وهـذي عـادة العشـاق

عسى صبحٍ جمع قلبي وقلبك تضحـك شروقـه

على شانك تحديت الظروف وجيت لك منسـاق

اغنـي للخطـر والقلـب مايهـتـز معلـوقـه

مادفعنـي يمـك الا صـادق الاشـواق

مشاعر صادقة ماهي مشاعـر نـاس مطفوقـه

اعاهدك بوفاي ووالله اني مـا اخلـف الميثـاق

ابد مادمـت حـي وحبنـا ماضاعـت حقوقـه

اسافر وانت في بالـي واعـود يمكـم مشتـاق

طراة الحب شوف العاشـق المغـرم لمعشوقـه

سكنت بوسط القلب واحرقت الضلوع احراق

تخيل وش كثر قلبـي عليـك همومـه تسوقـه

انا شاعرك بالمعنى ليامـن الفضـا بـي ضـاق

ليامنه طـرى طاريـك شعـري زان طاروقـه

كلامك عسل صافي وصمتـك دمعـي الدفـاق

ولا غيرك من العالم طلع ذوقـي علـى ذوقـه

انا العاشق وانا المغرم وانا اللي للخطـر سبـاق

اضحي لجلك بروحي وابيع الـذل فـي سوقـه